Studio J-Wrapped 2024

Diskussiounsronnen, Reportagen, Talk.

Op Lëtzebuergesch, Franséisch, Englesch an Däitsch.

Mir hunn alles ginn, fir déi bescht Geschichten ze fannen an se op déi bescht Manéier z'erzielen.

8 kollaborativ Podcasten, 39 Episoden

Am Podcast Mäin Element - deen an Zesummenaarbecht mam Luxembourg National Research Fund (FNR) d'Mënschen hannert der Fuerschung zu Lëtzebuerg beliicht - hu 6 nei Fuerscher*innen dem Max Kaxel hir Geschicht erzielt.

Evergreens by Spuerkeess huet seng Roll als Éducateur financier gespillt mat diversen, ofwiesslungsräichen an ëmmer spannenden Themen a 14 Episoden. Am Ganzen hunn sech 40 Gäscht bei de Bryan Ferrari un den Dësch gesat.

Stagekontrakter, Sozialwalen a Pensiounsreform - an de 7 Episode vum Podcast New Work, zesumme mat der Chambre des salariés, war fir all Generatioun eppes dobäi.

De Max Kasel huet ëmmer Energie an huet mat 4 nei Episode vum Podcast Gréng op den Oueren, zesumme mat Enovos, weidergemaach. D'Mikroen si vum Büro op den Terrain gaangen, fir iwwer Waasserstoff, Smart Homes oder iwwer Fraen an der Energiebranche ze schwätzen.

Hand an Hand mat der Handwierkskummer hu mir de Podcast Craft your balance ëm eng Episod iwwert de wichtege Sujet Wuelbefannen op der Aarbecht erweidert.

Net schlecht, oder?

Mee dat ass nach net alles. Well de Katalog, dee schonn net vu schlechten Elteren ass, ass nach weider ëm Podcaste gewuess.

D'Newcomer

Am Mäerz huet sech de Ministère fir Gläichberechtegung an Diversitéit mam Podcast Et Geet Dach! der Famill ugeschloss. Déi vum Morena Luisi moderéiert Emissioun ëmfaasst 4 Episoden, an deene 16 Gäscht iwwert d'Gläichstellung an hirem Beräich geschwat hunn - an dat, ouni ee Blat virun de Mond ze huelen.

Duerno gouf Den Jobcast an d'Liewe geruff. Et ass ee Podcast, dee Mënschen an hiren inspiréierende Wee beliicht, deen si iwwert d'Agence fir d'Beschäftegungsentwécklung (ADEM) gaange sinn. Et sinn 2 emotiounsgelueden Episoden, déi eng staark Serie fir 2025 ukënnegen.

Wärend verschiddener schonn un d'Dinde fir Chrëschtdag geduecht hunn, huet de Studio J un engem neie Podcast geschafft: Den éischten Episod vu Komm mol an de Büro! zesumme mat der Fédération des Artisans war e gelongene Joresofschloss.

Mir hunn et jo gesot: Table ronde, Reportagen, Talk…

Mee och laangfristege Storytelling

E Podcast "änlech, wéi eng Netflix-Serie"

Studio J huet sech mat der Redaktioun vum Lëtzebuerger Journal fir e journalistesche Groussprojet zesummegedoen: D'Hoffnungsdréier.

Méi wéi ee Joer laang hunn de Maxime Toussaint an de Misch Pautsch de Luxembourg Paralympic Committee an déi lëtzebuergesch Para-Athlete bei hirer Virbereedung op d'Paralympesch Spiller vun 2024 begleet. Dorausser sinn iwwer 60 Interviewen entstanen, ongeféier 30 Stonnen onverschafften Toumaterial, 8 Episoden an en Trip op Paräis, wou si materlieft hunn, déi den Tom Habscheid eng Bronzemedail - déi éischt a 40 Joer! - mat Heem bruecht huet.

An d'Kritiker si begeeschtert.

An der Rubrik Wat lauschters du? huet de Radio 100,7 D'Hoffnungsdréier als eng Serie bezeechent, déi "änlech, wéi eng Netflix-Serie" ass, déi "einfach ze luewen" ass, an an der een "onbedéngt eralauschtere" sollt.

Op Lëtzebuergesch, Däitsch, Franséisch an Englesch. A Büroen, um Sportsterrain oder bei engem Patt. Vu Sport iwwer Politik bis zur Inklusioun huet de Podcast vill Sujeten op eng journalistesch Manéier behandelt, ouni dobäi dat Weesentlecht vum Podcast-Format ze vergiessen: authentesch a perséinlech.

Dat Ganzt ass duerch eis Annonceuren, de Luxembourg Paralympic Committee a LUNEX, gratis op Spotify ze fannen.

Eng nei Ära laangfristege Storytelling-Podcasts?

Mir gesinn eis am nächste Joer ;-)

Hannert dem Mikro… oder schrëftlech?

Net ze vergiessen, dass mir och zimmlech vill geschriwwen hunn.

D'Serië Moteurs de la Société mat Losch, Evergreens by Spuerkeess a Cactus hunn eis redaktionell Talenter op d'Prouf gestallt.

Puh! Wat ee Joer … an 2025 geet et direkt sou weider.

Mir si prett.

Fir Annonceur an de Podcasts vum Lëtzebuerger Journal ze ginn, kontaktéier ons w.e.g. iwwer maxime.toussaint@journal.lu