1 cm - Wou d'Politik gefuerdert ass

Par Lëtzebuerger Journal Publié le 04 déc. 2025 Changer en allemand pour l'article original

An der Episod 5 befroe mir d'Ministere Max Hahn (DP) a Georges Mischo (CSV) zum Thema Quoten, a wéi et mam Aktiounsplang fir d'Ëmsetzung vun der Behënnerterechtskonventioun a mat der Inklusiounsassistenz weidergeet, déi bis elo wéineg Erfolleg hat. A wéi eng Erfarunge mécht ee Betrib, dee vun sech seet, di gesetzlech Quoten haut schonn ze iwwertreffen?

De Lëtzebuerger Aarbechtsmarché sicht verzweifelt no Main d’œuvre. Gläichzäiteg ginn d’Kompetenze vu ville Mënsche mat enger Beanträchtegung nach ëmmer net genuch gesinn.

Wéi gesäit d’Realitéit fir Persoune mat enger Beanträchtegung aus?
Wéi eng Barrièrë sti weider am Wee? A wéi vill Potenzial bleift ongenotzt?
Déi Froen hunn d'Journalist*inne vum Lëtzebuerger Journal an deene leschte Méint versicht ze beäntweren. D'Resultat ass e Podcast, deen d’Erausfuerderungen an d’Méiglechkeete beliicht, déi eng inklusiv Politik net nëmme fir déi Betraffen, mee och fir d’Gesellschaft an d’Wirtschaft opmaache kéint.
1 cm ass de neie Podcast vum Lëtzebuerger Journal.

Op dëser Plaz an iwwerall, wou et Podcaste ginn, wäert dir no a no all d'Episode fannen. An enger inklusiver Approche wäerte mir déi eenzel Bäiträg och an einfacher Sprooch presentéieren.

Voir cette publication sur Instagram

Une publication partagée par Lëtzebuerger Journal (@letzjournal)

Ganz verschidde Liewenssituatiounen

Mir stellen iech déi Leit vir, déi mir an de leschte Méint op hirer Aarbecht oder bei sech doheem begéint hunn. Si hunn eis vun den Hürden an Erwaardunge geschwat, déi si mam Thema Aarbecht an doriwwer eraus verbannen. Mir beliichten d'Efforte vun Info-Handicap a konfrontéieren d'Regierung mat deene Froen, déi sech aus eiser Recherche erginn.

Un dësem Podcast hu matgewierkt :
Interviews : Christian Block, Melody Hansen, Misch Pautsch
Konzept a Produktioun : Maxime Toussaint
Fotoen a Videoen : Lex Kleren, Misch Pautsch
Moderatioun : Joanne Theisen

Episod 1: De Julien Gouttin war - an ass ëmmer nach Kach. An trotzdeem ass alles anescht.
Episod 1: D'Martina war Iwwersetzerin – no engem Tauchaccident hätt et eng Behënnerteparkplaz gebraucht, mee net kritt.
Episod 2: De Joel huet sech mat enger eegener Software-Entreprise onofhängeg gemaach.
Ep 2.: D'Michèle Vallenthini huet sech als Kommunikatiounsberoderin selbststänneg gemaach a schwätzt iwwert d'Lupus-Krankheet.
Ep. 3 Den David Mira wollt an en Inklusiounsatelier, wou hien säin Hobby, d'Kachen, zum Beruff gemaach huet.
Episod 4: D'Tamara schafft an der Gemeng Niederanven.
Ep. 4: D'Jessica konnt trotz engem Aschnëtt a sengem Liewe weider als Aide-soignante bei sengem Patron schaffen.
Episod 5: De Sam Houblie schafft als HR-Direktor an engem Baugeschäft, wou besonneg op d'Bedürfnisser vum Personal opgepasst gëtt.
Ep. 6: D'Sonja Feil huet an hirem Liewe vill an a ville Branche geschafft. Si schwätzt iwwert onsiichtbar Beanträchtegungen.
Episod 6: D'Joanne Theisen, eisen Host, huet sech am Joer 2023 als Beroderin a Formatrice fir Autismus selbststänneg gemaach - a schwätzt och iwwer onsichtbar Beanträchtegungen.