(On)bekannt - Dunia Ciuferri

By Jill Lallemang, Julien Marcy, Maxime Toussaint, Lex Kleren Published on 21 May 2025 Article only available in German

De Podcast, an deem d'Jill ouni Informatiounen an ouni Preparatioun op Mënschen trëfft. Béierdeckele bréngen d'Gespréich lues a lues an eng aner Richtung. Den éischte Béierdeckel beschreift den Invité unhand vun Emojis.

Dëse Podcast-Episod gëtt Dir gratis zur Verfügung gestallt. Wann s Du eis Team wëlls ënnerstëtzen, da maach elo en Abonnement.

(On)bekannt – Ep.25

D’Dunia Ciuferri tätowéiert am eegenem Studio Scuro zwar gréisstendeels mat schwaarzer Tënt, ma fält virun allem mat hirem sonnegen a bonten Optrëtt op. Déi jonk Entrepreneuse, Kënschtlerin an engagéiert Aktivistin huet an de leschte Joren net nëmmen e Raum fir kënschtlereschen Ausdrock geschaf, ma och e safe space, an deem sech jidderee wuel fille kann, esou, ewéi en ass.

Eng Waarmhäerzegkeet, déi och dëst Gespréich duerchaus spigelt. Well nieft seriöen Themen ewéi Fraefeindlechkeet an Homophobie gëtt virun allem haart gelaacht a mat enger gesonder Portioun Selbstironie op d’Vergaangenheet zeréckgekuckt.