De Kaffisdësch vum Lëtzebuerger Journal - Ep. 3 E Buttek an der Stad
Par Maxime Toussaint, Lex Kleren Article uniquement disponible en allemand
Komm mir schnësse mateneen. An dat wéi fréier: ronderëm de Kaffisdësch mat engem gudde Biz Kaffi. Déi nächst Méint si mir am ganze Land ënnerwee. All Etapp steet ënner engem anere Sujet. A well dobäi spannend Gespréicher entstinn, huele mir se op: an engem Podcast. Dës Kéier schwätze mir mam Mireille Rahmé iwwer de Sujet "E Buttek an der Stad: Wat leeft gutt a wat ass méi schwéier ginn?".
Dëse Podcast-Episod gëtt Dir gratis zur Verfügung gestallt. Wann s Du eis Team wëlls ënnerstëtzen, da maach elo en Abonnement.
Ep. 3 – E Buttek an der Stad
D'Stater Braderie fënnt zanter 96 Joer den 1. September statt.
A jidderee verbënnt déi eng oder déi aner Erënnerung mam sougenannten "Schueberfouerméindeg".
Fir d'Mireille Rahmé, Präsidentin vun der Union Commerciale de la Ville de Luxembourg (UCVL), ass et net anescht. Wéi si kleng war, ass si ganz fréi opgestan, well hir Mamm Schong kafe wollt. D'Mooss 38 war nämlech ëmmer séier fort. Haut steet si op dësem Dag nach ëmmer fréi op. Dat awer, well si et mat organiséiert a mat ganz ville Leit an d'Gespréich komme muss. Dobäi war natierlech och de Passage op eisem Kaffisdësch e Must. De ganzen Dag war d'Ekipp vum Lëtzebuerger Journal virun der Feierboun, Partner vun eisem "Tour de Luxembourg", mat guddem Kaffi am Asaz, fir mat hire Lieser*innen iwwer Journalismus ze schwätzen.
Wéi geet et eigentlech dem Stater Commerce? Wat bedeiten esou grouss Surfacen, wéi d'Cloche d'Or oder d'Galeries Lafayettes fir de lokalen Handel? A wéi wäit huet Online-Shopping een Afloss dorobber, wéi gutt e Geschäft leeft? Genee dës Froen huet de Maxime Toussaint der Präsidentin vum Stater Geschäftsverband gestallt.
An och nach ganz vill méi. De Kaffisdësch vum Lëtzebuerger Journal ass en "Open Air" Podcast. E gëtt live op eisen Eventer opgeholl an ass esou och partizipativ. Den Dag iwwer hat jiddereen d'Méiglechkeet, Stéchwierder, déi hinnen zum Thema "E Buttek an der Stad" an de Kapp komm sinn, op eise Kaffisdësch ze schreiwen.
Dës Iddien a Froen huet de Maxime méi spéit am Gespréich mat afléisse gelooss.
