Generatioun A-Z ass dee Podcast, an deem mir jeeweils e jonken an en eelere Mënsch zesummebréngen, fir sech iwwer e bestëmmte Sujet auszetauschen. Dës Kéier geet et ëm de Wäibau mat de Privatwënzer Benoît a Claude Kox.
Benoît a Claude Kox
Et ass mol eng aner Konstellatioun wéi soss am Generatioun A-Z. Zwar representéieren de Benoît Kox (65 Joer) an de Claude Kox (35 Joer) wéi ëmmer an eisem Podcast zwou verschidde Generatiounen. An dësem Fall handelt et sech awer ëm d'Konstellatioun vu Papp a Bouf, déi de Privatwënzerbetrib Benoît & Claude Viticulteurs zu Réimech zesumme féieren - oder dach net? Grad doriwwer hu mir mat hinne geschwat, wat et bedeit, wann zwou Generatioune mat 30 Joer Ënnerscheed ënnert engem Daach zesummeschaffen. Weider Sujete ware bürokratesch Hürden an der Gestioun vum Betrib, de Marché an de Klimawandel.
*op Lëtzebuergesch
