(On)bekannt - Berlinski

Von Jill Lallemang

Stell der vir, du gëss iergendwou hi bestallt a begéins enger Persoun, mat där s du eng Stënnche laang solls poteren – ouni Informatiounen, ouni Preparatioun. Fir vill vun eis eng Horrorvirstellung.

D’Jill Lallemang kënnt reegelméisseg an déi Situatioun, an zwar fräiwëlleg. Et weess am Virfeld net, wien him virun d’Nues gesat gëtt. No an no kréie béid Gespréichspartner*inne Béierdeckele bruecht, déi d’Gespréich an eng aner Richtung solle bréngen. Den éischte Béierdeckel beschreift den Invité unhand vun Emojis.

(On)bekannt - Ep. 1

Am éischten Episod trëfft d'Jill op de Florian Turner-Vetter, deen op Instagram och bekannt ass als “Berlinski”. E Miseler, dee laang Zäit zu Berlin gelieft huet. Et war eng prägend Zäit fir hien, an där hien och seng Fra kennegeléiert a mam Sneaker-Business ugefaangen huet. Nieft senger Passioun fir Fotografie a Moud ass de Flo Doktorand op der UNI.lu am Fachberäich "Digital an Zäitgeschicht".

*op Lëtzebuergesch