Lëtzebuerg a seng queer Politik

Vum 1. bis 10. Juli gouf d‘Luxembourg Pride Week gefeiert. Et ass eng Woch wärend där Lëtzebuerg d'Kultur an d'Geschicht vun der LGBTI+-Community feiert a fir d’Rechter vu queere Mënsche gekämpft gëtt. LGBTI+ steet fir Lesbesch, Schwul (de „G“ vum englesche Wuert „Gay“), Bisexuell, Transgeschlechtlech an Intergeschlechtlech Mënschen. De Plus steet fir all déi aner sexuell a geschlechtlech Identitéiten, déi hei zu Lëtzebuerg an op der Welt existéieren. Queer kann een als Sammelbegrëff fir LGBTI+-Mënsche verstoen, mat der Nuance, dass d’Iddi, enger bestëmmter Kategorie zougehéieren ze mussen, ausfält.

Wärend der Table Ronde schwätzen d‘Invitéen iwwert Educatioun, Safe Spaces an dem Staat seng Roll a punkto LGBTI+-Inclusioun. D‘Table Ronde liwwert ee klengen Abléck an déi vill Thematiken, déi LGBTI+-Mënschen hei zu Lëtzebuerg am Alldag affektéieren.